რუსეთის პრეზიდენტის ადმინისტრაცია
-
მონტენეგროში რუსული პროპაგანდისტული ქსელის „რიბარის“ დამფუძნებელი მიხაილ ზვინჩუკი დააკავეს
მონტენეგროს პოლიციამ ეროვნული უსაფრთხოების სააგენტოსთან (ANB) ერთად 9 ოქტომბერს ქალაქ რისანში დააკავა რუსული Telegram-არხის „რიბარის“ (Рыбарь) დამფუძნებელი მიხაილ ზვინჩუკი, მისი მეუღლე და თანამშრომელი ვალერია ზვინჩუკი, კიდევ სამ პირთან ერთად. ოპერაციის მიზანი ქსელის ჰიბრიდული საქმიანობის შეჩერებაა მონტენეგროს ტერიტორიაზე. ზვინჩუკი ევროკავშირის, ბრიტანეთისა და აშშ-ის სანქციების ქვეშ იმყოფება, ხოლო აშშ-ის სახელმწიფო დეპარტამენტი „რიბართან“ დაკავშირებული ინფორმაციისთვის 10 მილიონ დოლარამდე ჯილდოს შეთავაზებას ინარჩუნებს.